Kumin 2018 MLA inthlan a\ang hian Mizoram-ah Lalpa’n Zoramthar din a ni dawn - Rev. Dr. Zaichhawna

Zoram Thar a din theihna tura hma latu, Rev. Dr. Zaichhawna Hlawndo leh a thawhpui te chuan nimin khan Serchhip Bazar-a Jemela Hotel-ah Serchhip-a thuthar thehdarhtute kawmin, kumin 2018 MLA inthlan a\ang hian Lalpa’n Zoramthar a din dawn tih an sawi.

Zoram Thar din tura tlangau, Rev. Dr. Zaichhawna Hlawndo in nimin-a Serchhip-a thuthar thehdarhtute a kawmna hunah hian Zoram Thar din dan tur March ni 12, 2012 zan-a a dawn chu sawi chhawngin, “He Pathian Lal ram lo ding tur hi khawvel politics lal ram a ni lo,” a ti a. Tuna kan politics chu sum zawnga inkhelhna hmun, Gambling ang a nih thu sawiin, he inkhelhna hi mipuite tih lawma inlena tur a nih thu leh a tel te pawhin hausa tura sumdawnna atan an hmang thu a sawi a, kan politics pawh Kristian politics ni lovin vai ram politics nia sawiin, Vai ram politics-ah chuan midang sawi chhiaa din channa a ni, tiin, kan rorelna pawh Democracy ni mah se, Democracy chhe mi a la ni a, Zoram Thar sawrkarah chuan Kristian Democracy a ni tawh ang, a ti bawk.

A sawi zelnaah Rev. Dr. Zaichhawna chuan kan rama political party lo ding tawh MNF chu |am do pawl a\anga \anin, PC Party pawh Human Right a\angin a lo ding chho a, Zoram Thar erawh chu Thlarau thianghlim a\anga ding tur a ni, a ti a. Zoram Thar movement chuan bial 40-ah Pathian ruat candidate a nei vek anga, an tlin hnuah pawh Aizawl-ah vek awm lovin anmahni bialah thu nawi te te pawh an hnena thlen theih turin an awm ang, a ti a. An awmna \hin UK-ah pawh an MP te chu mipui chhiahhlawha awmin an veivahna atan pawh Thirsakawr an hmang mai a, keini ah chuan kan MLA leh MP te chu kan thlang lal sauh sauh a, kan be phak leh mang si lo, Mizote Pathian in hnamdang chunga la awm tur kan nih thu hi Australia nu pakhat, Pastor Joy Hismaan-i’n a lo hmu lawk tawh a, a hmuh dan chuan Mizo te chu Pathian in a la chawikan tur thu leh he ram hi dikna leh Pathian thu lalna ramah a la chang dawn a ni, a ti bawk.

Press mite zawhna chhangin tunhnaia Mizo-ram-a sawrkar thar din tuma hma la mek, Exodus Movement, pawl dangte nena thawkho-a ZPM ni ta te nen an thu kalpui chu a in ang hle mahse, anni chuan khawvel thila rorelna \ha din an tum an nih thu leh, anni chu Pathian thlarau a\anga rorelna \ha din dan tur thu puangtute an nih thu a sawi a, Zoramthar din tur lo hmu lawk leh ringa tuipui an awm tawh thu pawh sawiin, chu’ng ho chuan Pathian lal ram din an nghak mai a, anni chuan chu Lal ram din nan chuan ke penin an thawk chhuak a, an in ang lo deuh tih a sawi bawk.

Zoram Thar chu pawl anga ding an nih loh thu leh Political Party te anga Unit te neia an kal loh thu pawh sawiin, tunah hian Cham-phai leh Saitual te tlawh tawhin Serchhip District chu tuna an tlawh leh mek a nih thu a sawi a. Heng hmun an tlawhna ah te hian an pawl hi din lovin |awng\ai khawl tur mi 2/3 vel an dah thu leh mi tam tak an in mamawh loh thu a sawi a. Inthlanpui chuh tum an nih avangin Chief Minister tur chungchanga zawhna chu Pathian in a ruat ang ang a nih dawn thu leh mihring in ruat bik an neihloh thu an sawi bawk.

Zoram Thar a din huna khawtlang inrel-bawlna kalpui dan tur an sawi zingah Village Council chu eirukna zar peng a nih avangin a din tawh dawnloh thu leh tlawmngai pawl hrang hrang leh Kohhran te telna in ro an rel tawh zawk tur thu an sawi a. MLA inthlana an candidate turte chu party politics-a la tel ngailo te an nih tur thu a sawi bawk.

Zoram Thar chungchang tlangaupuitu te hian nimin vek khan Chhiahtlang an pan leh nghal a, an kalna ah hian vantlang inkhawm te buatsaihin thu an sawi bawk a ni.