Dragon Fruit chin dan zirho

Serchhip-a Horticulture Department buatsaihin nimin khan Serchhip-ah Dragon Fruit chungchang zirhona leh a chin dan inzirtirna neih a ni.

Serchhip Hmar Veng YMA Hall-a Dragon Fruit chin dan zirhona hi Manthanga Tochhawng, HEO Serchhip chuan kaihruaiin Divisional Horticulture Officer, M. Vanlalzami chuan zirtirna a pe a, DHO chuan Mizoram sawrkar in Horticulture Department-a thawk te chu Mizoram tana thlai leh thei chin tur chi zawng tura a tih angin kum 2012 April thla khan Australia-a an zinna ah Dragon Fruit chu hmuin zirchianna hrang hrang an neih hnuah Mizoram tana chin chi tak nia an hriat zui thu a sawi a. Dragon Fruit chu khawvel-a thei hrisel ber te zinga tel a nih thu leh Thailand-ah phei chuan Zunthlum natna vei te tan pawh an chawh tel \hin thu a sawi.

DHO chuan Mizoram sawrkar hmalakna in kum 2013-2014 a\angin Mizoram-ah enchhinna neia bul \an a nih thu a sawi a. Tun dinhmun ah khawvel ram 9-ah uar taka Dragon Fruit hi chin a nih tawh thu leh Variety chi thum awmin Mizo-ram-ah pawh chi hnih chin a nih thu a sawi a, sik leh sa thu-ah Serchhip District chu Dragon Fruit chinna atana duhthusam a nih thu leh hei vang hian uar taka chin tum a nih thu a sawi bawk.

Nimin a Dragon Fruit chin dan zirhona ah hian Serchhip Town chhung a\ang bakah Kei\um lam a\ang pawhin mi \hahnem tak an tel a, Dragon Fruit chin dan leh enkawl dan hrang hrangte sawihona neih zui nghal a ni bawk.