MZP in Hnam Hnatlang neih hun tur an sawn rih

Mizo Zirlai Pawl (MZP) in Bairabi Zophai-a Zofate Chawlhbuk sa tura nimin-a Hnam Hnatlang an koh chu thil \ha zawk beiseiin sawn rih a ni a, mipuite hriatthiamna MZP chuan a ngen.
Hemi chungchanga MZP thuchhuah in a tarlan danin Zofate Chawlhbuk sak tum chungchang ah hian hnatlang neih ngei an tum laiin hnatlang neih an tum ni hma, niminpiah lamah tlawmngai pawl-a an thawhpui Central YMA, MUP, MHIP leh MSU te meuhin thil \halo pumpelhna a nih beiseiin a hun hi sawn rih tura an ngen thu leh a zanah Mizoram Chief Minister leh Home Minister te'n MZP an ngen bawk thu an tarlang a, Mizoram Kohhran Hruaitute Committee (MKHC) pawhin Zofate Chawlhbuk sa rihlo tura an ngen thu leh thisen chhuah a hnai nia ngaia hlauthawng pawh \hahnem tak an awm tih hriat a nih thu tarlangin,  chuti chung chuan an dinna ngaiah an din reng thu leh nizan hmasa thlenga thil awmdan thlirin nizan hmasa zanlai-ah khan MZP Executive Meeting chu neih niin, thil \ha zawk beisei vangin a hun sawn a rel ta tih an tarlang.
MZP General Hqrs. thuchhuah chuan March ni 13 tlai lamah Union Home Secretary-in State pahnih Chief Secretary-te ve ve March ni 20-a inbe tura a tih thu hriat a nih thu leh kan hma lawkah State pahnih an inbe dawn chunga lo chet chu khawvel mitah a mawi lo thei tih tarlangin, Mizoram tana \ha lo thei ang ngaihdan an neih thu leh Kolasib leh Aizawl District-ah te Cr.PC 144 hmanga mi panga aia tam awmkhawm khapna puan te chu Zofate Chawlhbuk sak tumna tinzawn ran tih chiangin na an tih thu leh Cr.PC 144 puan avangin hnatlang tura thawkchhuakte leh Mizoram Police an innek dawn tihna niin Mizo leh Mizo inbeihna thlen chu MZP duhdan a nih loh thu an tarlang a. March 13-a NGO te, MKHC te, Political party aiawhte Chief Minister-in a kawm pawhin Bairabi Zophai-ah Police an inrintir thu ala sawi laiin hnatlang tura MZP kal turte dan nan Cr.PC 144 an puang leh si chu mak an tih thu pawh tarlangin, Hnam Hnatlang neih dawnah tak Cr.PC 144 puanga MZP tih\huanawp tum a nih avang leh ramri vei tura Mizoram sawrkar koh eih tumin MZP chuan Total Bandh huaihawt a tum thu an tarlang bawk.
Hetianga MZP in hnatlang an \hulh hnu hian Mizoram Pradesh Congress Committee chuan thuchhuah siamin MZP-in Zophai, Kolasib District-a Mizoram Chief Minister hmasa ber Pu Ch. Chhunga leilet a Zofate Chawlhbuk sak leh tuma hnatlang an koh an \hulh chu lawmawm an tih thu leh nunna tam tak chan theihna hial dinhmun pumpelh tura an inphahhnuai thei chu Mizo tlawmngaihna dik takah an ngaih thu an tarlang a. ZNP |halaite pawhin thil hrang hrang ngaihtuaha MZP in tuna thutlukna a siam dan chu a fingin zahawm an tih thu an tarlang bawk.

Popular News

PAN CARD an tih teh fo hi - Laldinpuia

YMA Day pual Article :