Latest News

Zirlai ten thisen Unit 46 pe

/
Image
Nimin khan Govt. Serchhip College zirlai te chuan Serchhip Blood Bank-a dah turin thisen Unit 46 an pe. Rampum-a 'Ayushman Bhava' kalpui meka Sewa Pakhwada hman mek denchhen leh Govt. Serchhip College in kum 50 a tlin lawmna bakah NSS Foundation Day lo thleng tur den-chhenin nimin khan Govt. Serchhip College NSS Unit leh NCC Air Wing te chuan Serchhip Blood Bank-a dah turin thisen Unit 46 an pe a, thisen petute hi mipa 22 leh hmeichhia 24 niin heng mi tlawmngai te thisen la tur hian Serchhip Blood bank-a thawktute chu College-ah hian kalin thisen hi an lak sak a ni.
Post a Comment

MZP huaihawtin Aizawl-ah Sit-in demonstration nei

/
Zofate Chawlhbuk sak ngei a nih theih nan te, Assam sawrkarin Mizo zirlai pawisawilote leh Media lama thawkte kut a thlak duhlohna entirnan nimin khan Mizo Zirlai Pawl (MZP) General Hqrs. chuan Aizawl Vanapa Hall kawt-ah Sit-in demonstration an nei.
He hunah hian MZP President, L. Ramdinliana Renthlei chuan MZP chu a dinna ngaiah a la ding reng tih sawiin, Bairabi Zophai hmunah hian Zofate Chawlhbuk hi sak an tum thu a sawi a, hma an lak chhunzawm zel dawn thu a sawi bawk.
He hunah hian MZP President chuan tun thla ni 20-a Ministry of Home Affairs kaihhruaina hnuaia Mizoram leh Assam boundary chungchanga State pahnih Chief Secretary te inbiakna neih chu an beisei a pha lo hle tih sawiin; Zophai hming chu Kartuchal tih a thlak ani chu Mizote tan a nat bakah, inbiakna tur kal zelah pawh rin ngam harsa an tih thu a sawi. Hei bakah hian hliam tuar zawng zawng mi 68 te chu MZP chuan a tawrhpui takzet tih a sawi bawk.

Comments

Post a Comment

Popular News (Last 30 Days)