Mizoram Information Commission bultumin North Vanlaiphai-ah RTI zirhona neih a ni

Mizoram Information Commission leh North Vanlaiphai Joint YMA buatsaihin nimin khan North Vanlaiphai-a Lersia Hall-ah Right to Information Act chungchang inzirtirna neih a ni a. He hunah hian RTI zawhna online hmanga zawh mai theih tura ruahmanna kalpui mek a nih thu leh a taka hman theih \ep a nih tawh thu tarlan a ni.

Mizoram Information Commission leh North Vanlaiphai Joint YMA bultuma Right to Information Act chungchang zirhona hun hi Mizoram State Chief Information Commissioner, Lalduhthlana Ralte, IFS (Rtd) chuan khuallian nia hmanpuiin hriatna chu mihringte chakna bulpui pakhat, kan nunkawnga pawimawh tak a nih thu a sawi a. Right to Information Act phei hi chu ram inrelbawlna kawnga mitinten kan chanvo dik tak kan chan ngei theihna tura min humtu dan pawimawh leh kan hriat chian makmawh a nih thu sawiin, a neitu pawh midang nilovin he rama vote thlak thei zawng zawngte hi kan nih thu a sawi bawk.

India ramin zalenna a hmuh a\angin ram rorelna hi mipuite ngeiin vawiin thlengin an siam a, sawrkar pawh mipuite tan a ni tih sawiin, hei vang hian sawrkar sum hman dan a dika, miin a chanvo tur dik tak a chan ngei theih nan a neituin engkim a hre ve thei tur a ni a. A \ul anih phawt chuan mipui sum diklo taka lo chheprelh chingte phei chu kan timualpho ngam ve mai tur a ni, a ti a. Mi in a chanvo tur a chan \hin lohna ramah hlimna leh lungawina a hniamin ram roreltu leh mipuite inkara inrintawnna a chhe \hin tih sawiin, chu chuan hmasawnna hnathawh kawng hrang hrang te a tichhe thei \hin a ni, a ti bawk.

Khuallian hian RTI zawhna online hmanga zawh mai theih tura ruahmanna kalpui mek a nih thu leh a taka hman theih \ep a nih tawh thu sawiin, hengte bakah hian RTI Act hnuaia Information Commission hnathawh dan te, Mizoram Information Commission in hna a lo thawh tawh dan tlangpui leh thil pawimawh dang mipuite hriat tur chi engemaw zat a tarlang bawk.

Nimin a Right to Information Act chungchang zirhona hun hi North Vanlaiphai Joint YMA Vice President, Rokhawmthanga chuan kaihruaiin Mizoram Information Commission Secretary, Vanlalngena, MCS chu Resource Person atan hman a ni a, Resource Person hian RTI Act chungchanga hriat tur pawimawh hrang hrang tarlangin, zualko dan te, Commission in hna a thawh dante bakah RTI lehkhabute pawh sem nghal a ni a, zawhna leh chhanna hun pawh hman nghal a ni bawk. RTI Awareness Campaign hi Vawiin hian Biate-ah neih leh tura ruahman niin Serchhip a\angin DIPRO, K. Saitluanga pawhin a hmanpui a ni.