Monday, 26 March 2018

Serchhip-ah ‘World TB Day’ hman a ni

Kum 2013 hnuah TB vanga thi mi 22 an awm tawh

Inrinni khan khawvel pumah TB natna dona Ni, ‘World TB Day’ hman a ni a, Serchhip-ah pawh he Ni  pual hian inkhawm neiin Serchhip District Addl. DC, Chuauhnuna chuan khuallian niin a hmanpui a, TB natna chungchang zirhona neih a ni bawk.

Serchhip-a World TB Day puala inkhawm Serchhip CMO Conference Hall-a neih ah hian Serchhip District Addl. DC, Chuauhnuna chuan India ram chu khawvel puma TB natna vei tamna ber leh thihpui pawh an tamna ram a nih thu sawiin, hei vang hian TB natna avanga harsatna kan tawh te sutkian a nih theihna tura inzirtirna uar taka kalpui zel a \ul thu a sawi a. Kum 2012 a\anga TB vei enkawlna kalpui, Revised National TB Control Programme (RNTCP) kalpui a nih hnuah Serchhip District chhunga TB vei an tlem tial tial laia nikum-a an pung leh ta chu pawi a tih thu sawiin, \an lak a \ul zia a tilang chiang hle tih a sawi a. TB vei te chu a enkawlna senso zawng zawng tum sak an nih avangin mitin ten kan vei leh veiloh kan in enfiah zung zung a pawimawh tih sawiin, TB enkawlna kawnga thawktute pawh nasa lehzuala \an la turin a chah a.  mek bawk a ni.
World TB Day hi March 24-ah kumtin hman \hin niTB natna dona kawnga \ang tlang turin he huna kalkhawmte chu a chah bawk.
Serchhip CMO, Dr. Laldawngliana Sailo kaihhruai he hunah hian Distict TB Officer, Dr. Lalhlunpuii chuan TB natna chuan tumah a thliar lo tih sawiin, sual vang leh awm khawloh avanga kai ngawt theih a nih loh thu leh vanduaina avanga kai theih a nih thu a sawi a, hei vang hian a invenna lamah \an lak a \ul thu sawiin, kum 2012 a\angin rampumah TB veite enkawlna inangtlang kalpui a nih thu a sawi a. TB natna chungchanga hriat tur pawimawh hrang hrangte tarlangin, TB vei zingah damdawi ei \ha duhlo te tan TB natna dam har chi, MDR-TB vei a hlauhawm thu leh MDR-TB vei te chu kum 2 chhung enkawl an \ul \hin avangin hetiang vei lo tura TB damdawi ei \hat a pawimawh thu a sawi a. TB vei enfiahna khawl, CBNAAT chu Serchhip-ah ala awm loh avangin Falkawn-ah TB vei tam tak te enfiah an la ngai \hin tih a sawi bawk.
He hunah hian Sr. Treatment Supervisor, Sailoliana Sailo chuan kum 2012 a\anga nikum thlenga TB enkawlna kawnga an hmalak dan tarlangin hemi hun chhung hian mi 2244 te Khak enfiahna a\angin TB vei mi 408 hmuhchhuah an ni a, heng mite a\ang hian mi 377 te chuan TB damdawi an ei an dampui a, TB vanga nunna chan mi 22 an awm bawk a, TB vei zingah hian HIV hrik pai mi 27 hmuhchhuah an awm bawk. Kumin (2018)-ah hian TB vei enkawllai mi 9 an awm bawk. Hemi hun chhung vek hian Ser-chhip District-ah TB dam har chi, MDR-TBvei hmuhchhuah pawh mi 10 an awm bawk a, tunah hian MDR-TB vei enkawllai mi 4 an awmin thupui hrang hrang thlan a ni \hin a, kumin ah hian thupui atan ‘Mamawh-TB awm-lohna khawvel atan hmahruaitu (Wanted: Leaders for a TB-free world) tih chu hman a ni a. Serchhip-a he hun hmanna ah hian MUP Ser-chhip Vengchung Unit leh Ramthlun Veng Unit Member \hahnem tak bakah thuthar thehdarhtu te an tel a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...