Handmade Paper & Fibre Industries zirhona neih a ni

Khadi Village Industries (KVI) Mumbai leh Mizoram KVI Board \angkawp buatsaihin nimin khan Serchhip Hmar Veng YMA Hall-ah Handmade Paper & Fibre Industries chungchang zirhona neih a ni.

Handmade Paper & Fibre Industries chungchang zirhona hun hi Mizo-ram KVI Board-a Deputy Executive Officer, Zaithanmawia chuan kaihruaiin Mizoram KVI Board hmalakna chi hrang hrang leh khua leh tui, lehkhathiam leh hna neilo te tana sawrkar laipuiin ham\hatna a siam, ‘Prime Minister Employment Generation Programme (PMEGP) hnuaia Bank Loan lak theih dan te leh he Scheme hnuaia \anpuina Sum (Margin Money) hmuh theih dan kawng hrang hrang a sawifiah bawk.

Nimin-a he zirhona hunah hian Handmade Paper and Fibre Industry (HMPFI) hnuaia Changel leh thildang hmanga paper siamdan chungchang Lalsiamthara, Serchhip Bazar Veng chu Resource Person-ah hman niin he huna kalkhawmte hnenah zirtirna a pe a, kalkhawmte hnen a\anga zawhna te chhan a nih bakah sawihona hun huamzau taka neih a ni bawk.