YMA hruaitute tan Leadership Training neih a ni

Nehru Yuva Kendra (NYK) Serchhip leh Serchhip Sub-Hqrs. YMA te \angkawp buat-saihin nimin khan Serchhip-ah YMA Branch hrang hranga hruaitute tan 'Training on Youth Leadership and Community Development Prog-ramme' hman a ni.

Serchhip P&E Veng-a BNRGSK Hall-a he hun hman hi Serchhip Sub-Hqrs. YMA Education & Youth Affair Committee Chairman, C. Lalramliana chuan kaihruaiin he hun buatsaih a nih chhan te a sawi a, he hunah hian Serchhip Town chhung leh Sub-Hqrs. in direct-a a awp Branch 21 a\angin YMA hruaitu mi 100 chuang an tel a ni.

Nimin a he hun hmanna ah hian thupui thlanbik hrang hrang pathum hmangin mi pathum ten kalkhawmte hi zirtirna an pe a, Govt. Ser-chhip College-a Associate Prof., Vanlalchhunga chuan hruaitu \ha ni tura hriattur pawimawh hrang hrang leh YMA hruaitu tana hriattur bakah YMA kalphung te a sawi a. Serchhip District Consumers Association Secretary, Laldinpuia chuan sawrkar in a khua leh tui te tana ham-\hatna a siam hrang hrang, a bikin mipuite tana Bank kaltlanga ham\hatna awm thei hrang hrang te tarlangin, heng te hi mipui ten \angkai taka kan hman a \ul thu a sawi a. Serchhip SDPO, Lalnunmawii Varte chuan Social Media chung-changah zirtirna pein a \hatna leh \angkaina bakah hmansual a nih theih dan leh hetiang kaihhnawiha a dan bawhchhiatna hrang hrang awm thei te a sawi bawk a, heng thupui hrang hrangah hian sawihona neih a ni bawk.