Serchhip-ah Photo Exhibition & Street Play neih a ni

Lok Sabha Inthlanpui neih turah Vote tla a that theihna turin Inrinni zing khan Serchhip Bazar ah 'Photo Exhibition & Street Play' neih a ni.
Serchhip Election Office hnuaia Systematic Voters' Education and Electoral Participation (SVEEP) leh Serchhip Photographers’ (SPA) tangkawpin an buatsaih he hunah hian Govt. Serchhip College-a Electoral Literacy Club (ELC) President leh SVEEP Nodal Officer Dr. Zarzosanga chuan Serchhip mipuite chu Vote thlak theuh turin a sawm a, Serchhip District chu lehkhathiam tamna leh Mizoram District dangte zingah pawh Vote tlak thatna ber District anih thin thu sawiin, kan hma lawka Lok Sabha MP Inthlanna lo awm turah pawh uar taka Vote thlak leh tur leh vote thlak uar tura midangte zirtirtu pawh ni theuh turin a chah bawk a ni.

Inrinni zing-a he hun hmanna ah hian Serchhip Photographers’ Association (SPA) member ten inthlan kaihhnawih leh mipui ten Vote an thlak uar theihna tura inzirtirna thlalak chi hrang hrang an phochhuak a, Serchhip Kawnpui North Branch YMA ten Vote thlak uar tura inzirtirna lam hawi ‘Street Play’ an nei bawk a ni.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result