Serchhip-ah Inter-District Cricket Tournament khelh tan a ni
1st Inter-District Cricket Tournament hi Serchhip District Cricket Association chuan thlengin tun tumah hian Mizoram District 7 aiawhte telin Group A-ah Champhai District, Siaha District leh Kolasib District te an awm a. Group B-ah Serchhip District, Lunglei District, Lawngtlai District leh Mamit District te awmin Group pakhat a awm te hi an intum kual dawn a, chuta Point hmu sang ber ve ve te chuan tunkar Inrinni khian Final an khel dawn a ni.
Nimin-a inkhel hmasa berah Tournament thlengtu Serchhip District leh Lunglei District te an inhmachhawn a, Lunglei District hi Toss-ah chakin vuak hmasak an thlang a, Over 20 an neih ah Over 19.3-ah Wicket 3 hlohin Run 83 chiah an siam a, Serchhip District tan Lalrindika Fanai leh R. Lalrinfela (Terina) ten Wicket 3 ve ve lain C. Zoramthara chuan Wicket hnih a la bawk a ni. Hemi hnu hian Serchhip District lam hian vaw chhunzawm ve lehin Wicket hloh lovin an Target hi Over 9-ah an umphak a, Wicket 10 in hnehna an chang a ni. Serchhip District tan hian Dr. T. Zalianzela chuan run 39 siamin Dr. Lalrintluanga Sailo chuan run 33 a siam bawk a, Man of the Match-ah thlan a ni bawk.
.jpeg)
Nimin-a inkhel hnuhnung zawkah Champhai District chuan Siaha District chu Run khat in an hneh bawk a, Toss-a chak Champhai District in vawm hmasak thlangin Siaha lam hian Over 20-ah run 137 zet siamin Target sang tak an siam a, Champhai District lamin vaw zui ve lehin Over hnih lekah Wicket thum an hloh nghal a, amaherawh chu Champhai insiamtha zuiin Over 20-ah Wicket 7 hlohin an target hi an khum a, Wicket 3 in an chak zui a. Champhai District tan Gaurav Tyagi chuan run 44 zet a siam a ni.
Vawiin hian Match thum khelh leh tura ruahman niin Match hmasa ber chu zing dar 7:30-ah Serchhip District leh Mamit District ten an khel dawn a, chawhma dar 10:30-ah Kolasib District leh Siaha District ten Match hnihna khelin chawhnu dar 1:30-ah Lunglei District leh Lawngtlai District an inhmachhawn leh dawn bawk a ni.
Comments
Post a Comment