Mizoram-ah Helmet him lo khum khap tawh dawn

March 1, 2023 atangin Mizoram-ah Satel Helmet khum phal a ni tawh dawn lo a, Helmet chungchangah khauh lehzuala dan lekkawh tur niin a hremna pawh a na dawn.

Hemi chungchangah hian Aizawl Traffic SP Rodingliana Chawngthu chuan nikum December 14 khan hriattirna a lo tichhuak tawh a, chumi hnuah a khât tawkin Two Wheeler khalhtuten harsatna an tawh loh nan leh an himna a ni tih hriaa inhmakhua lawk tura ngenna Aizawl Traffic Police-ten an tichhuak thin a. Dan in helmet (protective headgear)-ah hian ISI mark a chuang ngei ngei tur tihna lam a ni lova, Section 129 of the Motor Vehicle Act, 1988-in a sawi angin, a siam dan phung leh accident tawh palh pawha him ngei tur (Bureau of Indian Standard mil leh kalphung anga siam) khum tur a ni a. Chumi zawm lote hremna/chawi tur chu Rs. 1,000 zel a ni ang.

Traffic SP-in Dec. 14, 2022-a hriattirna a lo tihchhuah tawhah chuan Two Wheeler khalhtuten Helmet him leh rintlak an khum a ngaih thu a tarlang a, “A siam dan leh nihphungah BIS-in a pawm chin leh a tlukpui Helmet tha leh him chin chauh khum tur a ni. Mizorama kan hman lar satel helmet kan tihte hi BIS pha lo a nih avangin khum phal a ni lo,” a ti a ni.