MZP in Memorandum thehlut

/

Mizoram University (MZU) Vice Chancellor chungchangah nimin khan MZP chuan Mizoram Governor kaltlangin President Droupadi Murmu hnenah Memorandum aan thehlut a. MZP chuan MZU Vice Chancellor Prof. KRS Sambasiva Rao chuan MZU-ah a term hmang zo in nikum November khan MZU a lo chhuahsan tawh tih sawiin, a hmun ruak hi Prof. Pravakar Rath chuan Acting Vice Chancellor niin a luah mek tih an sawi a. Mizoram-a zirna In sang ber MZU-a hotu lu ber Vice Chancellor thlanna kawngah hian Central University Act 2009-in a sawi anga Vice Chancellor nih theih hun chhung kum nga (5) lo ni tawhte thlang nawn tawh lo turin India President leh Mizoram University Visitor ni bawk Droupadi Murmu ngenna thu an Memorandum-ah hian an tarlang a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »