MNF in Chief Minister an rintawk thu an sawi
Nimin-a thuchhuah an siamah MNF Serchhip East Block chuan Chief Minister Zoramthanga chuan Feb. 18, 2023 khan cheng nuai 650 senga Serchhip College Administrative Building sak tanna tur lungphum a phum thu leh Bazar lunlai taka awm PWD Quarters te sawnchhuakin helai hmun hi vantlang tan tangkai taka hman a nih tur thu a puansak ngal bawk thu an tarlang a. Hripui leng avanga hun rei tak chhung khawvel in harsatna kan tawk chunga Chief Minister Zoramthanga’n hmasawnna tam tak hmuh theiha min chhawpchhuah sak mek zel chu ropui an tih thu leh chhuanawm an tih thu an sawi a. “Opposition Bial kan ni chunga Serchhip bial min duhsak zia kan hriat hian kan lawm lehzual a. Rilru zau tak pu-a hmasawnna kawnga Mizoram min hruai mek dan hi kan chhuang takzet a, Mizoram min hruai zel tur pawhin kan ringtawk a ni,” an ti bawk.
Comments
Post a Comment