Zirlaite Tuition Fee atangin sawrkar-in chhiah a la lo tih H&TE Minister in a sawi

Higher & Technical Education Minister Dr. R. Lalthangliana'n zirlaite Tuition Fee atangin sawrkar-in chhiah a la lo niin a sawi.

Nimin-a Mizoram Legislative Assembly Budget Session-a Serchhip bialtu MLA Lalduhoma'n, “Zirlaite Tuition Fee atangin engvangin nge sawrkar in Chhiah a lak, eng atana hman nge?” tih a zawhna a chhannaah H&TE Minister Dr. R. Lalthangliana chuan, Zirlaite Tuition Fee atangin sawrkar in Chhiah a la lo tih sawiin, zirlaite atangin Sawrkar-in Tuition fee chauh ni lo, College-in a hman tur thil chi hrang hrang a la tih a sawi a, heng Fee an lak te hi sawrkar sumbawm-ah chhunluh vek thin a ni tih a sawi a. H&TE Minister sawi danin, kum 2008-09 ah khan Fee hi cheng nuai 169 hmuh a ni a, kum 2009-2020 ah Rs. 166,82,736/- hmuh niin, kum 2020-21 ah Rs. 163,10,682/-, kum 2021-2022 ah Rs. 189,33,300/- leh sawrkar kum kal mek 2022-2023 ah Rs. 193,65,600/- hmuh a ni a. Sawrkar-in zirlai atanga Fee a lak hi sawrkar sumbawm-a chhun a nih hnuah a hmanna lam Higher and Technical Department chuan a hriatpui lo tih pawh Dr. R. Lalthangliana chuan sawiin, Tuition Fee hi zirlai pakhat zelah kum khatah Rs. 1,200 lak a nih thu a sawi a ni.

Dr. R. Lalthangliana chuan, zirna In hrang hrangten zirlai hnen atanga Tuition Fee an khawn chu lo pawngpaw hman ngawt phal a nih loh thu sawiin, hei hi ram Danpui-ah chiang takin a inziah thu leh hman theih loh tlem te, Danpui in Strict taka a kalpui a awm thu pawh a sawi a. Heng Tuition fee tlingkhawm te hi Public Account-ah chhunluh vek tura tih a nih thu a sawi bawk.

H&TE Minister chuan, College inrelbawlna senso a hautak avangin Tution Fee atanga sum hmuh chu hman phal chin hmang thei tura ruahmanna siam a nih thu pawh a sawi a, Sawrkar kumthar budget-ah pawh cheng 120 dah nia a hriat thu a sawi bawk.