Serchhip-ah Heroin ni ngeia hriat gram 100 chuang manin mi pathum man tel an ni
Nimin tlai khan CID (Special Branch), District Special Branch (DSB) Serchhip leh Sub-Hqrs. YMA Anti-Drug Squad te chuan Serchhip Bilzel-ah Heroin ni ngeia hriat hawng hnih (2) an man a, hei hi uluk taka an chhui zui hnuah Hawng 5 man belh lehin hemi an chhui zuina kal zelah nizan khan Chanmari Veng-a Nursing School thlang lama thuhruk hawng hnih (2) chu an man belh leh a, heng Heroin an man hi a vaiin hawng 9 niin gram 107.88 a ni a. Heng ruihhlo kaihhnawih ah hian Lalnunsangi (35), Khawmawi, Myanmar nia insawi te; Lalhmumawia (31), Serchhip Bilzel nia insawi leh Benjamin Lalbiakzuala (28), Serchhip P&E Veng nia insawi te chu manin thubuai siam sak nghal an ni.