Cricket-ah Serchhip District Champion zo ta lo

Zonuna Kawlni /

Serchhip District chu 1st Inter-District Cricket Tournament-ah an Champion zo ta lo.
 Cricket Association of Mizoram (CAM) buatsaih 1st Inter-District Cricket Tournament hi Inrinni khan DC Playground, Serchhip-ah Final khelh niin Serchhip District leh Kolasib District te an inhmachhawn a, Kolasib District hi run 45-a chakin Inter-District Cricket Tournament-a Champion hmasa ber an ni ta a ni. Inrinni-a Final Match-ah hian Toss-a chak Kolasib District in vuak hmasak thlangin Overs 20-ah Wicket 7 hlohin run 160 an siam a, hei hi Serchhip District hian um ve lehin Overs 20-ah Wicket 10 hlohin run 115 chiah an siam thei a, run 45 in Kolasib District hi an chak ta a ni.

Final Match-ah hian Kolasib District Player KV. Tlangmawia chu Man of the Match ah thlan niin Player of the Tournament-ah thlan a nih bakah Best Bowler of the Tournament-ah thlan a ni bawk a. He Tournament-a Champion Team hian lawmman aah Trophy leh Rs. 40,000/- dawngin pahnihna in Rs. 30,000/- an dawng a, Team tel zawng zawngte hi an kalna senso tum sak vek an nih bakah an thlenna tur leh ei leh in tum sak niin Rs. 20,000/- theuh an dawng bawk a ni.

Comments

Post a Comment

Popular News (Last 30 Days)

Thentlang VDP pawmpuina pe

Zonuna Kawlni /
Image
Serchhip District-a Thentlang khua ah tunhnai khan Village Defence Party (VDP) Unit din thar niin Serchhip SP hnena pawmpuina an dil angin nimin khan Serchhip SP chuan pawmpuina hi a pe a ni. Thentlang VDP Unit pawmpuina pek a nih rual hian nimin khan Serchhip Addl. SP Saiding-liana Sailo hovin a Pisa-ah VDP Member te tana tih tur leh tihloh tur te bakah harsatna sutkian dan hrang hrang inhrilhhriatna leh inkawmhona neih a ni a. Thentlang VDP Unit te hnenah hian an Member ten duty an neih huna an hman tur bungrua chi hrang hrang pek nghal an ni bawk.
Kimchang zawkin »