Serchhip District in hnehna chang
Nimin-a inkhel hmasa berah Serchhip District chuan Mamit District chu run 89 in an hneh a, he inkhel ah hian Toss-a chak Mamit District in vawm hmasak an thlang a, Serchhip District hian Over 20-ah Wicket 5 hlohin run 207 lai an siam a, Serchhip District tan Dr. T. Zalianzela chuan run 55 siamin Kangjam Suraj Singh leh Lalramthianga te chuan run 29 ve ve an siam a, Lalrindika Fanai pawhin run 25 a siam bakah C. Zoramthara pawhin run 20 a siam bawk a, Mamit District lamah C. Lalruatsanga chuan Wicket 4 lai a la thung a ni.
Hemi hnu hian Serchhip District hian vawm chhunzawm ve nghalin Overs 20-ah Wicket 7 hlohin run 118 chiah an siam thei a, Serchhip District hi run 89 in an chak ta a ni. Serchhip District atang hian Samuel Vanlalawmpuia chuan Wicket 3 lai a la a, Serchhip District atangin C. Zoramthara chu Man of the Match atan thlan a ni.
Nimin-a inkhel vawi hnihna ah Kolasib District chuan Siaha District chu Wicket 4 in an hneh a, Siaha District in vaw hmasa in Overs 20-ah Wicket 5 hlohin run 166 an siam a, hei hi Kolasib District hian Overs 19.3-ah Wicket 6 hlohin an umphak a ni. Nimin a inkhel hnuhnung berah Lunglei District in Lawngtlai District chu Wicket 6 in an hneh ve bawk a, Lawngtlai District in vaw hmasa in Overs 14.2 ah Wicket hloh vekin run 53 chiah an siam thei a, Lunglei District hian an target chu Overs 8.1-ah Wicket 4 hloh in an umphak a, Wicket 6 in an chak ta a ni.
Vawiin hian Match hnih khelh leh a ni dawn a, zing dar 9:30-ah Champhai District leh Siaha District te inhmachhawnin chhun dar 12:30-ah Mamit District leh Lawngtlai District te an inhmachhawn leh bawk ang.
Comments
Post a Comment