TZFA in hremna lekkawh duh

Thenzawl Zone Football Association (TZFA) chuan Serchhip District Football Association buatsaih District Championship Final-a buaina chhuakah Match Official te kutthlak an ni chu pawi an tih thu leh an dem takzet tih an sawi a. He inkhel a Match Referee chu a hnar ruh tliak hial khawpa kutthlak a nih thu leh damdawi In-ah enkawl mek a nih thu pawh sawiin, hetianga Official te chunga rawng taka kutthlaktu leh he buaina thlenga inhnamhnawih zawng zawngte chungah hian dan anga a na thei ang bera action lak ngei an phut thu an sawi a. Tun hnu zelah Football game a zahawm zel theih nan SDFA pawhin hrem tulte chungah a na thei ang bera hremna lekkawh ngei turin an ngen bawk.