Thenzawl-a Integrated AYUSH Hospital chu Inrinni zing khan Health Minister Dr. R. Lalthangliana chuan tlawhin an dinhmun leh an mamawh te a enfiah.
Health Minister Hospital building chhung Ward hrang hrang fang-kualin, AYUSH Hospital hotute leh Thenzawl khawtlang hotu VC aiawh te chuan an dinhmun leh an mamawh bakah tih changtlun a tulna hrang hrang te, Hospital panna kawng hnai zawk siam-that a tul thute an lo hrilh a, Health Minister chuan a theih ang anga hmalak a tum thu leh Central AYUSH Ministry hotute pawh a tul anga sawipui a tum thu a sawi a. Khwtlang hruaitute ngenna angin Thenzawl CHC-ah Dental Surgeon dah a nih thuai tur thu a sawi bawk. Thenzawl-a Integrated Ayush Hospital hi Mizoram a AYUSH Hospital awmchhun niin Resident Medical Officer hovin Doctor 7, Nurse 8 leh thawktu dang engemawzat an awm mek a ni.

Health Minister hian Inrinni vek khan Civil Hospital Lunglei-ah Integrated Laboratory leh naupang damlo na zual enkawlna tur khum 12 awmna Pediatric ICU a hawng a, Integrated Laboratory-ah hian RT-PCR Room ruahman a ni.

Comments

Popular News (Last 30 Days)

Vawiin-ah HSSLC Exam result