Sanghapui khawi turin hma la

Mizoram-ah Sangha chi tha neih a nih theih nan Sanghapui khawi turin sawrkarin hma an la mek tih Fisheries Minister K. Lalrinliana’n a sawi.

Assembly Budget Session kal mekah ziaka chhan chi zawhna chhangin Fisheries Minister chuan he thu hi a sawi a, Mizoram pumah Sangha chi siamna (Hatchery 29) chu mimal leh Society-te hnenah pekchhuah a ni tawh tih a sawi bawk. Chakai Farm-ah pawh hmasawnna hmuh tur a awm thu sawiin Minister chuan, Chakai Farm-a Chakai dahte hi an environment-ah an insiamrem tawh a, cement-a zût mâm Dil-ah an inthlahpung thei tih hriat a ni tawh, a ti a. Chakai khawina tur Dil 3 Cement hmangin siam zawh a ni tawh a, Dil pindanna leh Chakai tawmhimna tur siam zawh a ni tawh a, Chakai eitu laka venna tur pal siam zawh a ni tawh a, tui lum lutuk tur ven nana Dil chung zar siam zawh a ni tawh a, Chakai chaw leh bungraw dang dahna tur kudam buatsaih fel a ni tawh, a ti a.

Kolasib Dumlui Chakai Farm atan hian SEDP sum cheng nuai 39 sen a ni tawh a; Chakai 1,900 vel awm anga chhût niin hralh chhuah a la awm loh avangin sum lakluh a la awm lova, enchhinna anga kalpui mek a nih avangin chhunzawm zel tlak a nih leh nih loh hriat theih a la ni lo tih Fisheries Minister K. Lalrinliana chuan a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man