International Mother Language Day hmang

Nimin February 21, 2023 kha ‘International Mother Language Day’ niin Govt. Serchhip College Seminar Hall-ah he ni pual hian hun hman a ni.
International Mother Language Day puala hun hman hi GSC Mizo Department-a Associate Professor VLCC. Hrilmawia chuan kaihruaiin Resource Person atan Serchhip District Academy of Letters (SEDAL) Vice President K. Lalrinchhana chu hman a ni a, Resource Person chuan Mizo tawng humhalh a tul zia sawiin, “Mi dai zau apiangin mahni tawng an ngaisang a, kan tawng hi Pathian min pek a ni a, chumi vawng tha tur chu keini Mizo te chauh hi kan ni. Mahni tawng humhim thei apiang hi hnam ropui an ni a. Hnam leh tawng hi a inzawm tlat a, kan tawng hi a him chhung chuan kan hnam hi a ral lovang,” a ti bawk.