Latest News

Union MoS for Tribal Affairs in Mizoram tlawh mek

Sawrkar laipui-a Minister of State for Tribal Affairs Renuka Singh Saruta-i chuan zan khat riak turin nimin khan Mizoram a rawn thleng.

Union Minister of State for Tribal Affairs Renuka Singh Saruta hian Helicopter hmanga Lunglei hi thlengin Lunglei DC Ramdinliani IAS leh sawrkar Official dangten an lo dawngsawng a, hemi hnu hian Special Central Assistance to Tribal Sub Scheme cheng nuai 210 kaltlanga Lunglawn, Lunglei-a Mara Tribal Girls’ Hostel sak thar chu a hawng nghal a ni. He hunah hian Renuka Singh Saruta-i chuan Mizoram chu a boruak a nawm thu sawiin, Mizote taihmakna leh chhelna chu fakawm a tih thu a sawi a. Kawlphetha ah emaw, tui thianghlim lamah emaw Mizote mamawh leh an harsatna chu a hnenah thlen tura mipuite chahin, a tul ang zela Prime Minister hnenah thlen pui a tum thu a sawi bawk.

Renuka Singh Saruta-i chuan Mizoram chu ziak leh chhiar thiam ram a nih anga hmeichhiate dinhmun pawh a that thu a sawi a, Hostel a hawn chu lawmawm a tih thu pawh sawiin, a tul anga a dang pawh ngaihtuah belh a nih tur thu a sawi a, hmeichhia ten thiamna kawnga nasa zawka hma an sawn a duh thu a sawi a. Prime Minister pawhin India ram chu ram hmasawn a hlangkai tura theihtawp a chhuah avangin ramdangte nen pawh inpawh taka insumdawn tawnin nasa takin hmasawnna kawng a zawh mek tih a sawi a. Hmeichhiate dikna leh chanvo hriat a tul thu sawiin, ram hruaina kawngah pawh hmeichhia ten chanvo nei tura tan la turin kalkhawmte a chah a ni.

Mara Tribal Girls’ Hostel building hi Phako Builders, Khatla, Aizawl sak niin a Project cost hi cheng nuai 210 a ni a, a building hi chhawng li a sang niin Hostel Room 14, Toilet 11, Bathroom 6, Dining Hall leh Facility dang engemawzat a awm a ni. Union Minister Renuka Singh-i hian Lunglei a Sawrkar Department hotute DC Conference Hall Lunglei-ah kawm nghalin an hna leh an hmalakna kawng hrang hranga an hmalak dan leh an harsatna te a ngaihthlak sak bawk.

Comments

Popular News (Last 30 Days)