ZPM in thawhho chungchang an la rel lo tih sawi

ZPM Working President K. Sapdanga chuan ZPM in Party dangte nena thawhhona chungchang a la rel loh thu a sawi.

    Nimin-a an Party Office-a Political Session an neih ah ZPM Working President chuan ZPM chu mipuite beisei sawrkar siam turin an inbuatsaih mek tih sawiin, chutih lai chuan party dangten an beihrawn nasa ta hle niin a sawi a. “Hmun tinah tawngka lama thawhhona sawrkar a pian tur thu leh ZPM sawrkara tel ve tum an awm a, an sawithiam si a, pawhbeh pawh an nei nual. Amaherawhchu, ZPM hian party dangte nena thawhhona chungchang a la rel lo, a mala min sawrkar tir tumtu mipuite beiseina tihlawhtlin tumin a mala sawrkar siam ngei a tum a ni,” a ti a. “Party hrang hrang, tum dan leh tinzawn inang lo te hi sawrkar pakhata thawhho chi a ni ngawt lo, hetiang hi kan tum lo,” a ti bawk.