Lawngtlai District-ah raltlan 541 lut tawh

Nikum November thla hnu lamah Lawngtlai District-ah Bangladesh atanga raltlan rawn lut mi 541 an awm tawh a, heng mite hi Relief Camp 8-ah dah mek an ni.

Kuki-Chin National Army leh Bangladesh Army te inkah avanga Bangladesh atanga Lawngtlai District chhunga raltlan rawn lut te chungchang ngaihtuaha thutkhawm nimin-a Lawngtlai DC hova neih a tarlan a nih danin Bangladesh atanga raltlan lo lut hnuhnung ber te chu kumin Feb. 17 khan Lawngtlai District-ah rawn lutin mi 53 an ni a, heng mi te nen hian nikum November thla hnu lamah raltlan rawn lut mi 541 awm tawhin mipa 291 leh hmeichhia 250 an ni a, an zinga 337 te chu kum 18 chunglam niin kum 18 hnuailam mi 204 an awm bawk a. Heng te hi Lawngtlai District chhung khaw pariat (8)-a Relief Camp-ah an awm a ni.

He hunah hian Parva-III mipuite rikrap zawnga BSF te chetna a awm nia puhna chu BSF hotute chuan phain, ramri venhimna leh ramchhung himna atana an tih tur chin chauh an tih thu leh raltlante dinhmun hrethiam tak chunga mipui harsatna siam lo thei ang bera hma an lak thin thu an sawi a. Hemi chungchangah hian thil hriat sual a awm zel loh nan ramri vengtute leh mipui inkara inhriat pawh tawnna tha a awm theih nan hmalak ni se tih a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man