Sava Bu siamchawp dah

Serchhip Dinthar Branch YMA-a Nung-cha Humhalh Committee te chuan niminpiah khan hnatlang neiin Sesah lui hnar-a an ramngaw humhalh-ah Sava bu siamchawp engemaw zat an dah a. Serchhip Dinthar Branch YMA hian Serchhip khawpui chhunga awm Sesah lui hum-halh hna hi hun engemaw chen lo thawk tawhin ramngaw chhunga thing leh Mau te lak an khap bakah Nungcha awm reng reng eng hmanrua mahin man an phal lo a. Sava te an lo inthlahpun theihna tur atan Rua atanga siam Sava Bu te chu Sesah hnar huamchhunga thingkung ah dahin, kawng hrang hranga hmalak chhunzawm zel an tum thu an sawi bawk.