MUP Serchhip South Area Conference neih a ni
MUP Serchhip South Area Conference hi an President RL. Biakvara chuan kaihruaiin he hun hmanpuitu MUP Serchhip District Hqrs. President CL. Ramngaia chuan MUP in din tan dan leh a hming put chhan te sawiin, MUP chu pawl ropui tak, dinhmun pawimawh tak nei a nih thute a sawi a, khawtlang ah kum lama naupang zawk te entawn ni turin tan lak a pawimawh thu te, a bik takin faina kawngah tan lak a pawi-mawh thu a sawi a, nungchang mawi midangte kawhhmuhtu leh zirtirtu ni tura tan lak zel a tul thu pawh a sawi bawk.
.jpeg)
He hunah hian an huamchhunga MUP Branch report ngaihthlak niin Area Report hrang hrang ngaihthlak a ni bawk a. MUP Serchhip South Area-ah hian MUP Branch 7 awmin Member 621 an awm a, Chief Patron Member 2, Patron Member 2 bakah Life Member 78 an awm a ni. An Area-ah hian Tar chawmna dawng mi 120 awmin, kum 80 chunglam mi 28 an awm a, kum 2021 February hnu lamah an member boral mi 37 an awm bawk a ni.
MUP Serchhip South Area Conference-ah hian kum 2023-2025 chhunga hruaitu tur thlanna MJA Serchhip District kaihhruaina in neih nghal a ni a, President-ah RL. Biakvara (Vengchung), Vice President-ah T. Rokima (Dinthar Veng); Secretary-ah Hrangchhuma (Saron Veng), Asst. Secretary-ah VL. Ruatliana (Chhim Veng); Treasurer-ah Hmarthangvunga (Field Veng) leh Fin. Secretary-ah Oscar J. Rama (Ramthlun Veng) te thlan an ni a. He hunah hian MUP Member mi 50 vel an tel a ni.
Comments
Post a Comment