Ruihhlo vang thi tam tawh

Mizoram-ah kumin thla khat leh a chanve chhungin ruihhlo (Heroin) vanga thi mi 19 an awm tawh a, nikum 2022 chhunga ruihhlo vanga Mizoram-a thi zat zahve deuhthaw a tling tawh a ni. Excise & Narcotics Department (END) chhinchhiah danin, Mizoram-ah kumin chhungin February ni 16 thleng khan ruihhlo vanga thi mipa 17 leh hmeichhia 2, an vaiin mi 19 an awm tawh a, an vai hian Heroin vanga thi an ni a. Nikum 2022 chhung khan Heroin vanga thi mi 43 an awm a, kumin-ah thla khat leh a chanve vel chauh chhungin nikum-a thi zat zahve deuhthaw an thi tawh a. Kum 1984 atanga chhutin Mizoram-ah ruihhlo vanga thi mi 1736 an awm tawh a, mipa 1,531 leh hmeichhia 205 an ni.

Comments

  1. engtia hmalak tur nge niang,nu ho lah chu an fa te kalsan in an hlim lam thei bawk sia..

    ReplyDelete

Post a Comment

Popular News (Last 30 Days)

Serchhip DCSO sawn a ni