US-ah Hmarcha thawn dawn

Mizoram tharchhuah Hmarcha MT 7.5 chu USA-ah thawn a ni dawn a, chumi atana buaipui ngai awm te buaipui fel a ni tawh. Nimin a Assembly Budget Session-ah Agriculture Minister C. Lalrinsanga tarlan danin, US atangin Mizoram-a Hmarcha thar te lei an duh a, Organic a nih leh nih loh chian a ngai a, chumi tur chuan Bangalore-ah sample la in test a ni a. Kar hmasa khan test result chhuakin, Orgranic a tling tih hmuh a ni a, reilote ah tuna Lunglei a dahkhawl sa MT 7.5 te chu USA a thawn turin vailiam theih beisei a ni. Minister chuan, “Kan hma hun kal zel turah USA a thawn tura kan peih theih hi thil lawmawm tak a ni,” a ti bawk.