Cricket Tournament Group Match khel zo dawn

Zonuna Kawlni /

Serchhip-a khelh mek Inter-District Cricket Tournament-ah Kolasib District chuan nimin khan Final lutin Vawiin hian Group Match khelh zawh a ni ang.

DC Playground, Serchhip-a Inter-District Cricket Tournament khelh mekah hian nimin-a inkhel hmasa zawkah Kolasib District leh Champhai District inhmachhawnin Toss-a chak zawk Champhai District in vawm hmasak an thlang a, Kolasib District hian Overs 20-ah Wicket 5 hlohin run 169 an siam a. Hei hi Champhai District hian um ve lehin an vawm muan avanga Over khat paih sak an nih hnuah over 19-ah Wicket 8 hlohin run 91 chiah an siam thei a, run 78 in Kolasib District hi an chak a, Final an lut ta a ni.

Group B inkhel ah Lawngtlai District chuan Mamit District chu Wicket 3 in an hneh a, Bat hmasa Mamit in Wicket 10 hlohin run 89 chiah an siam a, Lawngtlai District in Wicket 7 hlohin target hi an umphak a ni.

Vawiin hian Group Match tum hnih khel lehin Group Match khelh zawh a ni dawn a, Group A atangin vawi hnih chak tawh Serchhip District in Lawngtlai District an hma-chhawn dawn a, Lunglei District leh Mamit District te an inhmachhawn ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »