Aizawl-ah Bomb hmangin ATM Booth beih a ni

/

Aizawl Republic Veng-a State Bank of India (SBI) ATM Booth chu Zirtawpni zan khan bomb hmanga beih niin ATM Booth beitute chanchin hrilh thei hnenah Mizoram Police te chuan Rs. 20,000/- thleng pek an tiam.

Police hotute hnen atanga thudawn danin, Republic Venglai Kawipui bul Welfare Building-a SBI ATM Booth hi Zirtawpni zan dar 2:50 vel khan misualten rawk tumin Gelatin ni ngeia hriat hmangin an Bomb a, AMT Booth dahna building hi chhe nual mah se, vanneihthlak takin misualte ruk tum ber pawisa dahna erawh a chhe lo hlauh a ni. He thil thleng chungchangah hian Aizawl Police Station-ah FIR thehluh niin Aizawl Addl. SP (Crime) PC. Laltanpuia kaihhruaina hnuaiah thubuai chhuitu tur member 11 awmna Special Investigation Team din nghal a ni.

Mizoram Police chuan, he pawikhawihna thlenga mawhphurtute chinchang emaw, anmahni chhui chhuah an nih theih nana thu tangkai hrilh thei emaw te chu Rs. 20,000 thleng pek an tiam a. Police te hnena Information petute chu thup tlat an ni dawn an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »