MJA in raltlante tanpuina sumfai an hlan

/

Mizoram Journalists' Association (MJA) Serchhip District in January 26, 2023 zan-a Charity Free Concert an buatsaih atanga an sum hmuh te chu nimin khan Lawngtlai Bawrhsap kutah MJA Lawngtlai District kaltlangin an hlan.
 MJA Serchhip District te hian kumin January 26 zan khan Er F. Sanglura Band leh Serchhip tualchhung-a zaithiamte sawmin Charity Concert an buatsaih a, heta an sum hmuh hi Bang-ladesh atanga sahimna zawnga Lawngtlai District-a tlan lutte tanpuina tura tih niin, an sum hmuh Rs. 36,126/- chu nimin khan MJA Serchhip District aiawhin Lawngtlai District MJA President Lalngheta Ralte chuan Lawngtlai Bawrh-sap David Lalthantluanga kutah a hlan a ni.

Lawngtlai Bawrhsap David Lalthan-tluanga chuan raltlante tanpui nana MJA Serchhip District kaltlanga mi tlawmngai leh inphalte thawhkhawm an dawng chu lawmawm a tih thu sawiin, raltlante'n an mamawhna zawnah tangkai taka hman a nih tur thu a sawi a. Tun dinhmun ah District Administration-in a chhinchhiah danin, Bangladesh atanga an sahimna zawnga lo tlanlut hi Lawngtlai District-ah mi 531 an awm mek a. District Administration atangin an mamawh hrang hrang - Chen lailawkna, Mutbu, ei leh in leh ni tin mamawhte ngaihtuahsak an ni a, a theih ang anga tuamhlawm leh chhawmdawl mek an ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »