SEDP tanpuina sem leh
SEDP Pilot Project atanga Ar vulh tanpuina semna hun AH& Vety Department Training Hall, Serchhip-a neih ah Serchhip DVO Dr. R. Lalmakthanga chuan SEDP Pilot Project hnuaia Ar vulh tanpuina thawh khatna atanga a thawh thumna pekchhuah a lo nih tawh thu sawiin, hlawhtling taka kalpui mek a ni leh tanpuina hnuhnung ber semchhuah a ni leh thei ta chu lawmawm a tih thu a sawi a. SEDP Pilot Project hnuaia tanpuina an pek te chu a hmanna tur ruahman sa vek a nih thu sawiin, sum ruahman a nih ang ngeia hmang turin tanpuina dawngtute chu a chah bawk.
He hunah hian tanpuina dawngtute pawhin an hmalakna leh an thlen chin te sawiin, leirem an rah ve theihna tura sawrkar in ruahmanna tha tak a siam leh sum leh pai tam tak tanpuina a pe chu lawmawm an tih thu an sawi bawk a ni.
SEDP Pilot Project hi Serchhip District-ah Ar vulh ah kalpui niin District pumah beneficiary 29 an awm a, an zinga 22 te chu Poultry Farming hnuaia Broiler vulh tur niin a dang mi 7 te hi Rainbow Rooster vulh turte an ni a. Heng tanpuina dawngtute hi Ar 400 theuh vulh tura ruahman niin tanpuina hi Rs. 1,50,000/- theuh an dawng ta a ni. Tanpuina dawngtute hi Broiler vulh ah Serchhip-ah 3, Thenzawl, Chhingchhip leh East Lungdar-ah 2 theuh leh Chhiahtlang, Baktawng, Chhuanthar Tlang-nuam, Hmawngkawn, Khumtung, Keitum, Bung-tlang, North Vanlaiphai, Mualcheng, Lungchhuan, Sialsir, Khawlailung leh Leng atangin mi pakhat theuh te an ni a. Rainbow Rooster vulh turte hi Serchhip-ah 4, Thenzawl-ah 2 leh Hualtu-ah mi pakhat te an ni.
Comments
Post a Comment