Chekawn leh Artahkawn inkar kawng siam

/

Chekawn leh Artahkawn inkar kawngpui siam hna chu thawh mek niin Inrinni khan Tuichangral VC Association hruaitute chuan he hna thawh mek hi a hmunah an enfiah.
 Chekawn leh Artahkawn inkar kawngpui chhe tak hi Special Assistance to States for Capital Investment (SASCI) sum cheng vbc. 6.58 sengin SLT Infrastructure te chuan a siamthat hna an thawk mek a, East Lungdar RD Block hnuai khaw 12-a VC ten an din Tuichangral VC Association hruaitute hian Inrinni khan helai hmuna hna thawh mek hi tlawhin, SLT Infrastructure hotute nen hnathawh mek dinhmun an enfiah a, hmanraw tha chauh hmang tur leh kawng tha leh rotling siam turin an ngen bawk a ni. Tuichangral VC Association hruaitute chuan kawng siam mek hi an vil zel tur thu leh hmanraw thalo hmanga kawng hi siam a nih phawt chuan hma an lak tur thu an sawi bawk a ni.


Chekawn leh Artahkawn inkar hi KM 7.5 a thui niin kawng Blcaktop tawh chu hun rei tak siamthat a nih loh avangin kawng awmsa hi a chhe tawh hle a, hmun tam takah kawng khuar thuk tak tak te a awm bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »