Mizoram CM rawn kawm

/

Development of North Eastern Region (Do-NER) Minister G. Kishan Reddy chuan nimin chawhnu khan Chief Minister Zoramthanga chu Video Conference-a kawmin DoNER kaltlanga State hmalakna hrang hrang chungchang an sawi a. Sawrkar kum 2022-23 atana Budget Expenditure chungchang te, hmarchhak State-te tana Investment Summit buatsaih tum atana hmalakna te, G-20 Summit atana inbuatsaihna te, North East Industrial Development Scheme (NEIDS) chungchang te, CNA Fund System atana inbuat-saihna te, PM Devine hnuaia project chungchang leh a dangte sawi a ni. DoNER Minister hian nimin khan Assam, Arunachal Pradesh, Manipur leh Sikkim State hruaitute a kawm bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »