MZP in Pension kum hman mek tha an ti

Mizo Zirlai Pawl (MZP) chuan Sawrkar hnathawk te pension hun atana kum 60 hman mek chu tha an la tih thu an sawi.

MZP hian nimin khan Executive Meeting neiin tunhnaia Sawrkar hnathawk ten Pension kum tihsan phuta hma an lak mekna chu an pawl ngaihdan dinglai angin tha an ti lo tih an sawi a. “Thalai hna zawng mek leh hna neilo lehkhathiam tam tak an awm mek laia sawrkar hnathawk pension kum tihsan hi MZP chuan inhmeh a ti lova, dan dinglai anga kum 60 hi MZP chuan tha a la ti rih a ni,” an ti a. Hei bakah hian MZP chuan hma a lo lak fo tawhna Sawrkar hnathawk pension tawh rawihnawn pawh tha an tih loh thu sawiin, Pension ruai nawn tura file kal mek awmte pawh a tul angin an umzui dawn tih an sawi bawk.

MZP Executive Meeting hi an President Lalnunmawia Pautu chuan kaihruaiin, India sawrkar-in Jet Fighter hmanga Mizoram a beih champhaphak, Zoram Ni atana an hman chungchang pawh sawiho in, MZP-in kum 2008 atanga Zoram Ni tia a lo hman tan, India sawrkarin Jet Fighter hmanga Mizoram a beih chanphaphak March ni 5 chu kumin ah pawh hian hman leh ngei nise an ti a. “Ram leh hnam hmangaih inzirtirna ni atan kawng hrang hranga hman nise,” an ti a ni.