SEDP-ah Vaimim MT 19,085 tharchhuah a ni

Agriculture Minister C. Lalrinsanga'n SEDP hnuaia Vaimim chintir atangin MT 19,085 tharchhuah a ni tih House hrilhin, chhunzawm zel tlakah an ngai tih a sawi.

Nimin-a Assembly Budget Session zawhna leh chhanna hunah Serchhip bialtu MLA Lalduhoma zawhna a channa ah Agriculture Minister chuan, SEDP hnuaia Vaimin chi Quintal 3000 chin tir atangin Vaimin Metric Ton 19,085 tharchhuah a nih thu leh heng Vaimim tharchhuah atangin quintal 1094.61 chu sawrkarin a leisak tih a sawi a. Quintal 553.19 chu kg. ah Rs. 200/- in Serchhip-ah lei sak niin, quintal 541.42 chu kg. ah Rs. 24 in Tanhril hmunah lei a ni a, sawrkar in Vaimim a lei sak te chu ranchaw siam nana hman a nih thu a sawi bawk.

Zawh belhna chhangin Minister chuan, SEDP hnuaia Vaimim thar te chu Department in an thlirna atang chuan hlawk hle ah an inngai tih sawi bawkin, chhunzawm zel tlakah pawh an ngai tih a sawi a, tlawm zawkin phai lam thar lei tur awm mahse kan ram tharchhuah ngei chu ran te pawhin an ngeih zawk ngei nia a hriat thu a sawi bawk. Price support chungchangah Central an dawr thu te, a awm theih ngei beisei a nih thu te pawh an dawn thu te, a bawhzuina ah thil buaithlak deuh a awm thu te sawi bawkin, tharchhuah han tam deuh zel sela, Price Support pawh mumal zawkin a kalpui theih a rinawm niin a sawi bawk.