ZPM Thalaite chuan Assembly Speaker chu Inquiry Commission din tura an phut thu an sawi.
Nimin-a thuchhuah an siamah ZPM Thalai Hqrs. chuan Mizoram rorelna In sâng ber Assembly House-ah infiammite thlavâng hauha nasa taka auchhuâk ngam ZPM Leader Lalduhoma chu an chhuan thu leh infiammi te'n hliam an tawrha ngaihthah an nih thin avânga hun rei tak chhûng infiammite hreawm leh inthlahrung reng renga an awm laia, infiam mite tâna ding ngam Leader an nei chu thlamuanthlak an tih thu an sawi a. Assembly Session-ah Miriam Lalnunsiami nen phone-a an inbiak loh thu sawia Sport Minister berin dawt a sawi chu pawi an tih thu leh infiam mite phatsanna ah an ngaih thu pawh sawiin, Sports Minister chu ‘Miriam Lalnunsiami nen phone in kan inbe lo’ a tih avang leh Miriam Lalnunsiami nen an inbiak ngei si avang te, dawt a sawi chuan ban hial a inhuam avang leh Deputy Chief Whip Lalrintluanga Sailo duh dan ang ngeiin Robert Romawia Royte chu a thusawiah dinga Minister a nihna atang leh Mizoram Legislative Assembly member a nihna atangin patling taka bang ngam tura an phut thu an sawi a. “Miriam Lalnunsiami nen phone hmanga an inbiak leh biak loh chungchangah Pu Robert Romawia Royte in a phut ang ngeia Inquiry Commission din ngei turin Assembly Speaker kan phut bawk a ni,” an ti bawk.
Comments
Post a Comment