Chiahpuam hmuh let vbc. 7.30

Chiahpuam sum hmuhlet leh (recovery) Rs. 7,30,51,853 chu SBI, Aizawl Branch-ah dah niin engtia kalpui zel nge tih ah Court thubuai kal lai a nih vangin Judgement Order nghah mek a ni.

Assembly Session neih mekah Serchhip bialtu MLA Lalduhoma zawhna ziaka a chhanna ah Home Minister Lalchamliana chuan, Chiahpuam sum chu depositor te hnenah pek a la awm lo a, Chiahpuam sum hmuhlet leh zawng zawng Rs. 7,30,51,853 chu Addl. DC (Establishment) leh SDO (Sadar), DC Office, Aizawl hming SBI, Aizawl Branch-ah dah a ni. Chiahpuam sum hmuh let zawng zawngte chu thil dangah hman a la ni lo a, tun thlenga a pung (interest) zat chu Rs. 10,83,25,772 a tling tawh a, engtia tih nge sawrkar in a tum tih zawhna chu Court thubuai kal lai a ni a, Judgement Order nghah mek a nih thuin a chhang bawk a ni.