BSF laka Parva-III harsatna CYMA in sawipui

Central YMA hruaitute chuan niminpiah khan BSF hotute kawmin Parva-III khua in harsatna an tawh chungchang an sawipui.

Central YMA hruaitute hian Deputy Commandant, BSF (Gen) Office, Durtlang-ah Asst. Secretary Prof. Malsawmliana hovin BSF hotute hi an kawm a, Central YMA hruaitute chuan, Parva-III khuaa BSF Sipai ten Raltlan leh khaw mipui te ralkhel taka an siam leh rambuai dinhmuna ding ang maia khauh taka feh kal leh haw lam te Voter ID leh Aadhaar Card an check vel te chu titawp nghal turin BSF hotute hi an hrilh a. Mipuite zalen taka an veivah a, thlamuang taka hna an thawha, nunphung pangngaia an nun leh nghalna turin rang taka hma la nghal turin an hrilh a ni.

BSF hotute chuan Parva-III khua te harsatna tawh chu rang taka tihtawp a nih nghal tur thu Central YMA hruaitute hi an hrilh a. Central YMA in Parva-III mipuiten harsatna an tawk tih an hriat ve leh rang taka BSF hotute hmaichhana an sawipui nghal chu lawmawm an tih thu an sawi bawk a. Tunhnuah pawh harsatna awm palh thei thilah inpawh tlang taka chanchin inhrilhtawn a, dawhkan kila sawiho vat thin an duh thu an sawi bawk a ni.

Comments

Popular News (Last 30 Days)

Serchhip DCSO sawn a ni