ASF vangin Vawk 70,147 thi chhinchhiah a ni

Mizoram-ah kum 2021 leh 2022 chhungin Vawk hri leng, African Swine Fever (ASF) vanga thi Vawk 70,147 awm mahse vanduaina/chhiat (calamity) a pawm a ni lo.

Assembly Session neih mekah Serchhip bialtu MLA Lalduhoma zawhna AH&Vety Minister Er. Lalrinawma'n ziaka a chhan danin, ASF hri leng 1st Wave (2021)-ah Vawk suat 12,568 leh 2nd Wave (2022)-ah 11,594, a vaiin 24,162 a awm a. ASF vanga Vawk thi zat pawh 1st Wave (2021)-ah 33,417 leh 2nd Wave (2022)-ah 12,568, a vaiin 45,985 a ni bawk a. ASF vanga Vawk thi (suat telin) zawng zawng chu 70,147 zet a tling.

Hei bakah hian ASF vanga Vawk thi neitu, tanpuina dawng chhungkua 2,488 an awm bawk a, heng mi ten Vawk suat avanga an dawn zat chu cheng nuai 1018.42 niin, Feed Compensation cheng nuai 121.52 a ni a. African Swine Fever (ASF) chu Mizoram sawrkar in calamity-ah a pawm lo tih tarlan a ni bawk.

Hetihlai hian Aizawl khawpui in thla khatah chawhrualin Vawksa quintal 12,450 vel an eiral anga chhut a ni bawk.