Chief Minister hovin State Day lawm a ni

Mizoram State Day 36-na chu nimin khan Aizawl-a Vanapa Hall-ah Chief Minister Zoramthanga hovin lawm a ni.

Mizoram State Day lawmna ah hian Chief Minister chuan Mizoram in kum 36 lai State nihna a chang ta chu lawmawm a tih thu sawiin, he ni-ah hian Mizoram chu midangte tan malsawmna ni tura inbuatsaih a tul thu a sawi a. Hmanlai pi leh pute hunlai atanga Mizoram-a an lo thlangtlak dan leh, tuna Mizoram a lo indinchhoh dan sawiin, rambuai harsatna tinreng paltlangin Vawiin-ah remna leh muanna duhawm tak hnuaia hun kan hmang thei chu Siamtu’n chhan neia a rel vek a nih thu a sawi bawk.

State Day lawmna inkhawm kaihruaitu Dr. Renu Sharma chuan State Day kum 36-na lawm a nih hian Mizoram-ah hmasawnna tam tak hmuh theih a nih thu sawiin, chutihrual chuan hmabak tam tak, a bik takin Industrial Sector leh Entrepreneurship tihhmasawn lamah a la awm thu a sawi bawk. He hunah hian sawrkar mi pawimawh hrang hrangte an tel a ni.