Governor in vailiam

/

Mizoram Governor Hari Babu Kambham-pati chuan Ek Bharat Shreshtha Bharat North East Yuva Sangam (EBSB North East Yuva Sangam) program-a tel tur NIT Mizoram leh Govt. Aizawl North College-a zirlai 25 leh Zirtirtu 4 te chu nimin zing khan Aizawl atangin a vailiam.

Ek Bharat Shreshtha Bharat North East Yuva Sangam-a tel tur zirlaite thlahna puala Raj Bhavan Courtyard-a hun hman ah Governor chuan zirlaite chu EBSB North East Yuva Sangam program hlawk taka hmang tura chahin, Prime Minister Narendra Modi remhriatna leh hmathlir tha tak avangin ram chhunga cheng te inpum-khatna atana program tangkai em em tur EBSB North East Yuva Sangam buatsaih a ni leh chu a lawmawm tih thu a sawi a. He Exchange program pawimawh tak hian India hmundang leh Hmarchhak bial mipuite inhriatchianna tha zawk leh inunauna tha zawk a siam dawn tih a sawi bawk.

Ek Bharat Shreshtha Bharat kalpui tur hian Ministry of Education chuan Ministry leh Department hrang hrang Culture, Tourism, Railways, Information & Broadcasting, Youth Affairs & Sports, Home Affairs, Department for DoNER leh IRCTC te a thawhpui a. He program hian India ram hmun hrang hranga cheng te in hriat-pawhna tha zawk siam a tum a, a bikin hmarchhak a cheng te nunphung leh khawsak dan te India ram hmun danga cheng ten an lo hriatchian lehzual theihna tura buatsaih a ni bawk. He Exchange Program-ah hian Paryatan (Tourism), Parampara (Traditions), Pragati (Development) leh Paraspar Sampark (People-to-people connect) chungchangah sawihona leh inkawhmuhna neih tum a ni. He hun hmang tur hian Mizoram atangin NIT Mizoram-a zirlai 18 leh Zirtirtu 2 leh Govt. Aizawl North College-a zirlai 7 leh Zirtirtu 2 te an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »