Covid Duty VLTF/LLTF thi zangnadawmna pe

Mizoram-ah COVID duty laia nunna chan VLTF/LLTF-a OB/Member mi 10 an awm a, chung mite chu Mizoram sawrkar-in Ex-Gratia Compensation Scheme atangin mi pakhat zel tana cheng nuai 20 a ruahman chu pek fel an ni tawh.

Assembly Budget Session neih mek ah Hachhek bialtu MLA Lalrindika Ralte zawhna, Health Minister in ziak a a chhan danin, COVID-19 duty laia nunna chan mi 10 te chu an vaiin VLTF/LLTF-a tel vek an ni a, an zinga mi 2 te chu Chairman nilai an ni a, LLTF Asst. Secretary pakhat awm bawkin, midang 7 te chu Member an ni. COVID-19 duty laia nunna chan zinga mi 6 te chu khawpui chhung, Dawrpui, Laipuitlang, Venghnuai, Tuikual South, Khatla, Rangvamual LLTF an ni a, midang 4 te chu Kawnpui Venglai, Thiak, Keifang Venghlun leh Rengtekawn VLTF-a tel an ni. Health Minister tarlan danin, Mizoram-ah COVID-19 vanga thi mi 726 an awm tawh a ni.