MNF party in thu diklo sawi hailan zahthlak an ti

MNF Party chuan Mizoram rorelna In sang berah Opposition Group Leader Lalduhoma’n thu diklo a sawi ngei tih hailan a ni chu zahthlak an tih thu an sawi.

Nimin-a thuchhuah an siamah MNF Party chuan Assembly Budget Session kal mekah Feb. 21, 2023-a Miriam Lalnunsiami, National Games neihnaa inhliam tanpuina pek chungchangah Sports Minister Robert Romawia Royte leh Opposition Group Leader Lalduhoma te thu inhmuh lohna leh, inhnialna thu kal zelah Assembly House Speaker Lalrinliana Sailo chuan thudik hailangin Serchhip bialtu ZPM MLA Lalduhoma chuan a dik lo zawk a ni tih pawmin Assembly House zahawm takah ngaihdam a dil tih an tarlang a. “Mizoram rorelna In sang berah thudik lo a sawi chiang ngei tih hailan a ni hi MNF chuan zahthlak a ti takzet a, thudik hailan a ni erawh lawmawm a ti hle thung,” an ti bawk.