Serchhip leh Kolasib ten Final khel dawn
DC Playground-a 1st Inter-District Cricket Tournament khelh mekah hian nimin-a inkhel hmasa zawkah Serchhip District in Lawngtlai District hneh lo chungin Final an lut a, Toss-a chak Serchhip District in vawm hmasak thlangin Overs 13.4-ah Wicket 10 lain Lawngtlai District in run 62 chiah an siam thei a. Tun Tournament-a run 200 aia tam siam thei Serchhip District tan chak harsa tur angin lang lo mah se run 20 pawh an tlin hmain Serchhip District hian Wicket 6 ngawt an hloh hman a, Overs 13.3-ah Wicket zawng zawng hlohin run 46 chiah an tlin thei a, Lawngtlai District hi run 16 in an chak a. Serchhip District atang hian run 10 siam tling an awm lo a ni.
Nimin-a inkhel hnuhnung zawkah Lunglei District chuan Mamit District chu Wicket 4 in an hneh bawk a, Mamit District in vaw hmasa in overs 20-ah Wicket 9 hlohin run 75 an siam a, hei hi Lunglei District hian overs 9.4-ah Wicket 6 hlohin an khum ve bawk a ni.
Heti hian Group A atangin Kolasib District in match hnih an khelh ah hnehna chang ve ve in Final an lut a, Group B atangin Serchhip District, Lunglei District leh Lawngtlai District ten point 4 theuh hmuin Net Run Rate (NRR) sang ber Serchhip District in Final an lut a. Vawiin chawhma dar 10:30 hian Kolasib District leh Serchhip District te hian Final an khel dawn a ni.
Comments
Post a Comment