Tripura-a Bru te E. Roll-a paih turin hma la zel

Tripura-a inbenbel tum Bru mi leh sa Mizoram Electoral Roll a chuangte chu paih an nih theih nan Mamit, Kolasib leh Lunglei District-a District Election te chu hmala tura hriattir an ni tawh.

Central YMA hruaitute chuan nimin khan Mizoram Chief Election Officer (CEO) Madhup Vyas chu hmuin, Jauary 1, 2020-a agreement (inremna) lo awm tawh anga Tripura a mahni duh thu ngeia pem thla Bru te Mizoram Electoral Roll atanga an hming paih chungchang an sawipui a. May 25 leh 26, 2023 chhunga ECI Team lo kal te ruahmanna an siampui angin June 15, 2023 ralhma ngeia Mizoram Electoral Roll a la chuangte pawh paih an nih theih nan Mamit, Kolasib leh Lunglei District-a District Election Officer te hma la tura a lo hriattir tawh thu CEO chuan Central YMA hruaitute hi a lo hrilh a. Tunah hian Mizoram Electoral Roll atangin Voters 4083 paih an nih tawh thu leh a bak la awm zawng zawngte June 15, 2023 hma ngeia chinfel a nih tur thu a lo hrilh a. Tunah hian paih hmabak voters 6, 521 a la awm nia thudawn a ni.

He hunah hian Central YMA hruaitute pawhin heng District pathum-a District Election Officer te pawh thahnem ngai taka hma la tur leh huntiam chhunga inchingfel ngei tura an beisei thu an sawi bawk a ni.