Road Protection Squad thutkhawm neih a ni

Nimin khan Serchhip-ah District Level Road Protection Squad chu thukhawmin kum hmasa lama hmalakna an thlirlet bakah hmalakna turte sawiho a ni.
Serchhip DC Meeting Hall-a District Level Road Protection Squad thutkhawm hi Serchhip Addl. DC James Lalnithanga chuan kaihruaiin kum kalta lama an hmalak tawhna te chu thlirlet a ni a, kawngpui nek a bungrua leh hmanraw dang dah hnawk bakah tuizem dah hnawk te thianfai tur leh insenghawi tura an lo hriattir tawhte zingah tun thlenga hma la la lo te chu mahni Veng theuh ah lo zirchiang a thehluh that leh nise an ti a. Hemi bakah hian kum kalta leh kumin inkara endik leh hmalak ngai nia an hriat te pawh mahni Veng theuhah lo endik a, District Level-ah an report te thehlututin, a concern Department ah theuh hmala tur a hriattir leh nise an ti a ni. Tunkar chhunga lo endika report te thehlut turin Veng tin Village Council te chu ngen an ni.

He thutkhawm ah hian Kawngpui kam a phalna nei a Insakna bungraw dahhnawk thin chungchang pawh sawiho a ni a, phalna pek hun chhung tih tawi rawtna te sawiho niin a tul angin UD&PA Department in hma lo la se an ti a. Serchhip Bazar huamchhunga Parking Area hrang hrangah te rei tak tak lirthei dah an awm thin chungchang leh hmalak zel dan tur chungchang te pawh sawiho a ni bawk.

Nimin-a thutkhawm ah hian DC Office atangin Addl. DC bakah SDO (Sadar) Rebecca Laldinmawii Hrahsel leh SDC Lalhruai-liana Zote telin Revenue Department atangin Settlement Officer Gaston Vanlalhriatpuia a tel bawk a, Road Protection Squad Member hrang hrangte aan tel bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar