AAY leh PHH ten khawi hmunah pawh Ration la thei

/

Sawrkar chuan One Nation One Ration Card (ONORC) Prog-ramme hnuaiah NFSA beneficiaries (AAY & PHH) te chuan India ram khawi hmunah pawh Ration buhfai an la thei tawh tih a sawi.

Sawrkar in hemi chungchanga thuchhuah a siamah Ministry of Consumer Affairs, Food & Public Distribution, Department of Food & Public Distribution, Govt. of India thuchhuak angin One Nation One Ration Card (ONORC) Programme hnuaiah Migrant NFSA beneficiaries (AAY & PHH) te chuan India ram khawi hmunah pawh an ration buhfai an la theitawh tih tarlangin, hemi atan hian FPS Dealears (Retailer) te'n buhfai an mamawh belh anih chuan an ePoS device hmangin an mamawh belh zat an thlen tur a ni tih a tarlang a. ONORC hnuaia ration lak (transaction) hi Central Sawrkar chuan a tam thei ang ber neiturin State tin te a nawr nasa hle bawk tih pawh tarlangin, “Hetiang a lo nih tak avang hian tuna kan ram thenawma kan unau Mizorama rawn raltlan te pawh an ration quota pangngai chan lovin an bulhnai Fair Price Shop (Retailer) ah an la thei a. Hei hi FPS Dealers (Retailer) te'n an lo hnar tur a ni lova, an Ration Card an lo dil kher tur a ni lo bawk,” tiin an tarlang a ni.

Food, Civil Supplies & Consumer Affairs Department thuchhuah chuan ONORC hnuaia ration la tur hian Beneficiary te'n an Ration Card number emaw, Aadhaar number an hriat chu a tawk tih an tarlang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »