Mizoram-ah sawrkar hnathawk 49,282 an awm

Tun dinhmunah Mizoram sawrkar hnuaiah hnathawk MR/PE atanga Group A-ah mi 49,282 an awm mek a, chung mite thla khat hlawh atana sen thin chu cheng Vbc. 334.20 a tling. Hetihlai hian tun dinhmunah sawrkar hnathawkten awlsam zawka GP Fund an hman dan tur ruahmanna a awm rih lo.

ZALEN-in RTI hmanga zawhna a siam, Finance Department SPIO-in a chhan danin tun dinhmunah Mizoram sawrkar hnuaiah Group A Employee 4,262 an awm mek a, Group B-ah 12,713 awmin, Group C-ah 12,518 leh Group D -ah 5,972 an awm a. Heng sawrkar hnathawkte hlawh atan thla khat atana sum sen thin chu cheng Vbc. 334.20 vel a ni a, thla tina sen zat erawh a inang vek lo. Heng bakah hian Muster Roll/Provisional Employee mi 13,817 awm bawkin, chung mite thla khat hlawh atana sen thin chu Rs. Vbc. 17.85 a tling a, thla tina sen zat a danglam thin a ni.

Sawrkar hnathawkte GPF chu tun hmaa Department tina Allocation pek tin angin tih theih a ni rih lo tih SPIO chhannaah chuan tarlan a ni bawk a, tun dinhmunah chuan awlsam zawka sawrkar hnathawk ten GP Fund an hman dan tur ruahmanna a awm rih lo thung.

Mizoram-ah Treasury Office 13 awm mekin chung zingah chuan Aizawl South Treasury-in ni khatah cheng Nuai 100 a pe chhuak thei a, Aizawl North-in cheng nuai 80 pechhuakin, Lunglei District, Siaha District, Kolasib District, Champhai District leh Serchhip District Treasury-ten cheng Nuai 50 theuh an pechhuak thei a, Lawngtlai District, Chawngte Treasury, Khawzawl District, Hnahthial District leh Saitual District ten cheng nuai 30 theuh an pe chhuak thei bawk a ni.

Comments

Popular News (Last 30 Days)

LPG man bithliah thar