Congress Thalai in Chief Minister hnenah thlen

/

Congress Thalai (MPYCC) chuan Kolkata Ballygunge Mizoram House hralh tum a nih chungchang te, COVID-19 hrileng do nana sawrkar sum dawn hman dan puanzar an phutna te chu nimin khan Chief Minister hnenah ziakin an thehlut.

Mizoram Pradesh Youth Congress Committee hian an Sr. Vice President Ngurdingpuia Pachuau hovin Chief Minister Zoramthanga hnenah lehkha hi an thehlut a, an lehkha thehluhah hian Kolkata Ballygunge Mizoram House hralh tum a ni chu tha an tilo chungin an do ngawr ngawr lo a, tihral a nih dawn chuan tihral a nih hmain tihfel hmasak tur leh ngaihtuah fel ngai te tihfel an duh thu an tarlang a ni.

Hei bakah hian Manipur atanga râltlânte chhawmdâwl an ngaihzia pawh tarlangin, an hriat theih chinah sawrkar atangin chhawmdawlna tih tham an la dawng lo niin an sawi a, raltlante dinhmun ngaihsak an phut thu leh boruak a râlmuan hma chu Mizoram atanga chhuahtir loh an duh thu te an sawi a. COVID-19 puala CM Relief Fund-a pawisa lut Rs. 26,79,80,470/- leh Central atanga tanpuina sum tum 8 lokal nia an hriat, a vaia belhkhawm Rs.79,62,88,000/- te chu hman lohin a la awm a ni loh chuan a hmanna mipui hnena puangzar turin Chief Minister an ngen tih an ziak bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »